Оре ватан ин зодгохи аҷдодии хар як миллат мебошад халқи тоҷик аз шумори он миллатҳоест,ки марзу буми Ватани худро хело дуст дошта ва барои ҳифзу пойбарҷоии он ҷон нисори мекунад.Қаҳрамониҳои Темурмалику Шерак, Деваштиҷу Восе далели гуфтаҳои болост. Шоири шинохтаи тоҷик Лоиқ Шералӣ ибтидои ватанро аз гаҳвора ва шири поки модар васф намудааст.
Ватан зодгоҳ, калимаи зебо ва хуҷастаест, ки бо шуниданаш хонаву дар,гавҳора ва модар пеши назар меояд. Бале Ватан сарнавишту қисмати ҳар як инсон, ва модари мушфиқу ғамхори ҳар як инсони Ватандӯст ба ҳисоб меравад.
Дар олам якчанд муққадасоте мавҷуданд,ки модару Ватанро низ ба онҳо раб медиҳанд. Ҳисси Ватандусти ба дараҷае расидаст, ки хокашро аз тахти Сулаймон медонанд, шоири бузурге меҳри Ватанро чунин васф намудааст.
Хоки Ватан аз тахти Сулаймон хуштар,
Хори Ватан аз лолаву райҳон хуштар.
Аз ин бармеояд, ки Ватан ифтихор, шаънушараф, ноёбтарин неъмат, сарвати бебаҳост, ки онро ба ҳеҷ ваҷ наметавон иваз намуд.Муҳаббат ба Ватан асосан дар давраи кӯдаки зоҳир шуда, минбаъд ташакул меёбад. Инсон ба ҳар зарра хоку ба ҳар қатра оби Ватанаш он чунон дил мебандад, ки бе он наметавонад хушбахту бахтёр бошад. Ҳисиёти Ватандӯсти ин худ садоқат ба ватан, саъю кушиш ва ба нафъи Ватан-Модар хизмат кардан мебошад.
Маънии калимаи Ватан дар ашъори шоирон мавқеи сода дошта, аз ин ру ҳаким Абулқосими Фирдавсӣ дар “Шоҳнома”-и безаволи худ, ки саршор аз Ватандустӣ ва адолатпарварист ҳифзи Ватанро аз баҳои ҷон болотар гузоштааст. Аммо вазифаи мо на танҳо аз Ватан ва бузургони миллат ифтихор кардан, балки бо корнамоиҳои нав ба нав кашф кардани падидаҳои нодир мебошад.Агар ҳамаи мо аз олами расму русум ва анъанаҳои милливу башари баҳраманд гардем, Ватани соҳибистиқлоли мо низ ба шумори давлатҳои тарақи карда ва мутаммаддин ворид хоҳад гашт. Шукуфоии Ватан, масъулиятшиносӣ, ва некандешии мо вобастагии калон дорад. Аз ин рӯ ҳар як шаҳрвад вазифадор аст, ки Ватани худро дуст дорад ва чун хоҳару модари худ ҳифз намояд.
Ба роҳи Ватан ҷон фидо мекунем,
Ватан ҳарчигуяд, адо мекунем.
Сармутахассиси шуъбаи таблиғот ва иттилооти
Кумитаи иҷроияи ҲХДТ дар н.Шоҳмансур.
Ҳусенов Далер
